Татарстанда МКДЦ табиблары быел 22нче тапкыр йөрәк күчереп утыртты

Татарстанда МКДЦ табиблары быел 22нче тапкыр йөрәк күчереп утыртты. Ел ахырына кадәр тагын өч шундый операция ясарга җыеналар.

Бу — узган ел белән чагыштырганда өч тапкырга күбрәк дигән сүз. Татарстанда беренче йөрәк трансплантациясе моннан 12 ел элек булган. Бүген безнең республика бу тармакта Россиядә иң күп операция ясаучы биш төбәк исемлегенә керде. Катлаулы операциягә алынучы табиблар, аларның яңа йөрәкле пациентлары турында Алия Хәйретдинова.