Татарстанда сабыйларга нинди исемнәр кушканнар? Адель, Матвей, Ризат һәм Анита

Узган атнада, 23 октябрьдән 29 октябрьгә кадәр, Гражданлык хәле актларын теркәү идарәсенең Казан бүлекләрендә 354 бала — 179 малай һәм 175 кыз тууы теркәлгән. Шул ук вакыт аралыгында 242 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1700 грамм авырлыкта туган, ә иң зурысы 5360 грамм тәшкил иткән.

Атнаның иң популяр исемнәр арасында Роберт, Марк, Макар, Адель, Матвей, Самира, Дарья, София һәм Кира булган, ә иң сирәк исемнәр — Расул, Ризат, Хәлид, Асад, Зәкәрия, Рубина, Атея, Аэлла, Анита, Мира, Таисия, Амилия һәм Алита.

Фото: pixabay