Короленко урамында торба тишелеп җиргә өченче ай су агып ята - видео

Башкаланың Короленко урамында торба тишелеп җиргә су агып ята. Хәзер монда күлләвек хасил булган. Төнгә тагын да салкынайтып җибәрсә, сулык урынына - шугалак барлыкка киләчәк.

Безнең редакциягә 21нче йортта яшәүчеләр мөрәҗәгать итте. Су өченче аен туктаусыз ага икән. Аларны берничә мәсьәлә борчый: гел дымда торгач, йортның нигезе какшар диләр.

Шулай ук, аккан су өчен кемгә түләргә туры киләчәк, дип чаң сугалар. Ни өчен шалтыратып та, Водоканал хезмәткәрләре килмәгән һәм нигә без барып бер сәгать үтүгә бригада эшли дә башлады? Фәйрүзә Мәҗитова репортажы.