«Миллениум» Россиянең иң матур күперләр исемлегенә кергән

Казанның «Миллениум» күпере Россиянең иң ямьле күперләр өчлегенә кергән. Аның өчен сораштыруда катнашучыларның 11%ы тавыш бирде, диелә шәһәр мэриясе сайтында.

Рейтинг лидеры булып Санкт-Петербургтагы Дворцовый күпере тора, аңа респондентларның 52%ы өстенлек бирә. Икенче урында Сочидагы SkyBridge күпере урнашкан – 16%.

Шулай ук топ бишлеккә Мәскәүдәге Живописный күпере – 7% һәм Муромдагы «Поющий мост» кергән – 6%.

Фото: kzn.ru