Яңа ел төнендә Казанда бәйрәм салюты булмаячак

Яңа ел төнендә Казанда бәйрәм салюты булмаячак. Бу хакта Министрлар Кабинетында узган брифингта шәһәр Башкарма комитетының мәдәният идарәсе башлыгы Азат Абзалов хәбәр итте.

"Махсус янгынга каршы режим салютлар булмауны һәм пиротехника куллануны турыдан-туры тыюны күздә тота. Яңа ел төнендә салют булмаячак", - диде Абзалов.

Исегезгә төшерәбез, 25 декабрьдән 8 гыйнварга кадәр Татарстанда пиротехника куллануны чикләүче махсус янгынга каршы режим гамәлдә булачак.

Фото: freepik.com