Зәңгәр күл язмышы: югалтырбызмы, яңартырбызмы?

Татарстанның чын мәгънәсендә уникаль табигый урыны Зәңгәр күлләре турында борчулы хәбәрләр алдык. Суының төсе уңа, күл саега һәм менә декабрьдә өстен, өлешчә, боз каплады.

Ничек инде температурасы гел +4 градус торган су ката ала? Бу - антропоген, ягъни кеше йогынтысы булырга мөмкин, ди экологлар. Чөнки монда елына 120 мең кеше килә.

Бу бик зур сан! Күл - кабатланмый торган табигать хәзинәсе. Аны ничек яңа буынга калдырырга? Зәңгәр күлнең популярлыгы һәм шушы популярлыкның тискәре ягы турында Рания Абдрахманова.