Казан 2023 елда топ-5 туристик юнәлешләр исемлегенә керде

Казан 2023 елның 1 гыйнварыннан 31 декабренә кадәр кунакханәләрне броньлау саны буенча Россия Федерациясендә иң популяр шәһәрләр арасында дүртенче урынны алды.

Исемлектә беренчелекне Мәскәү ала. Аннан соң Санкт-Петербург һәм Сочи урнаша, бишлекне Түбән Новгород яба. Шул ук вакытта 2023 елда 2022 ел белән чагыштырганда Анапа (103% ка), Геленджик (78% ка) һәм Самара (66% ка) кунакханәләренә ихтыяҗ шактый арткан. Мондый мәгълүматны «Яндекс.Путешествия» китерә, дип яза Казан мэриясе.

Фото: kzn.ru