Яңа Савин районында Михаил Карпов хөрмәтенә мемориаль такта ачылды

Казанның Яңа Савин районында Социалистик Хезмәт Герое Михаил Карпов хөрмәтенә мемориаль такта ачылган. Аны Гагарин урамындагы 77 нче йорт фасадына урнаштырыла.

Шәһәр мэриясе сайтында язылганча, Михаил Карповның тууына 100 ел тулуга багышланган чарада аның туганнары, дәүләт хакимияте органнары, Казан моторлар төзү җитештерү берләшмәсе, «Татарстан геройлары» оешмасы вәкилләре, Казанның Яңа Савин һәм Вахитов районнары мәктәпләре, шулай ук «Танкодром» балалар иҗат үзәге укучылары катнашты.

Михаил Карпов – җитештерүдә новатор, ул продукциянең сыйфатын арттыруга һәм технологик процессларны камилләштерүгә юнәлдерелгән 90 рационализаторлык тәкъдимен кертә. Җидееллык планын үтәүдә (1959-1965 еллар) һәм яңа техника булдыруда зур хезмәтләре өчен 1966 елда Социалистик Хезмәт Герое исеменә лаек була.

Җәмәгать эшен алып бара һәм 1967-1971 елларда РСФСР Югары Советында депутат сыйфатында республиканы тәкъдим итә.

Октябрь Революциясе ордены, Хезмәт Кызыл Байрагы ордены, «1941-1945 еллардагы Бөек Ватан сугышында фидакарь хезмәт өчен» медале һәм башкалар белән бүләкләнгән.

Фото: ТР Мәдәният министрлыгы