Казанда Әмирхан урамында көчле су басуның сәбәбе билгеле булды

Бүген иртән Әмирхан урамында 1994 елда төзелгән суүткәргеч челтәрендә авария була, нәтиҗәдә авария урынында су урамга ташып чыга.

Әмирхан урамының Четаев урамыннан Чистай урамына кадәр «Миллениум» күпере ягына хәрәкәт юнәлеше буенча транспорт хәрәкәте вакытлыча чикләнгән.

Бу вакыйга нәтиҗәсендә биш күпкатлы йортта яшәүчеләр сусыз кала: Чистай урамындагы 61А һәм 61Б һәм Әмирхан урамындагы 11, 13, 15 йортлар.