Татарстанда сабыйларга нинди исемнәр кушканнар? Тельман, Эльмурат, Серхан, Алекс һәм Ихлас

Узган атнада, 29 гыйнвардан 4 февральгә кадәр, Гражданлык хәле актларын теркәү идарәсенең Казан бүлекләрендә 305 бала — 171 малай һәм 134 кыз тууы теркәлгән. Шул ук вакыт аралыгында 102 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1 200 грамм авырлыкта туган, ә иң зурысы 4970 грамм тәшкил иткән.

Атнаның иң популяр исемнәр арасында Әмир, Таир, Кәрим, Данияр, Мирон, Ранель, Ясминә, Рамина һәм Амелия булган, ә иң сирәк исемнәр -  Тельман, Эльмурат, Серхан, Алекс, Ихлас, Хамзат, Заһид, Сарвина, Астра, Таила, Анисья, Йолдыз, Тебя, Лия һәм Маиса.

Фото: pixabay