Казанда металл кабул итү пунктының түбәсе җимерелү сәбәпле, бер эшче һәлак булган

Казанда Тэцевская урамындагы металл кабул итү пунктының түбәсе җимерелү аркасында 34 яшьлек эшче һәлак булган. Бу хакта "Татар-информ" мәгълүмат агетлыгы хәбәр итә.

«Вакыйга урынына Казанның Мәскәү районы прокуроры Ольга Малых китте. Тикшерү оештырылды. Бу хәлнең шартлары ачыклана», — дип белдерделәр прокуратурада.

Хәзерге вакытта җинаять эше кузгату мәсьәләсе хәл ителә.

Фото: ТНВ