Казан читендәге "Яблоневые сады" яңа торак комплексны юл төзегәч кенә салачаклар

Казан читендәге - "Алма бакчасы" - "Яблоневые сады" дигән яңа торак комплексны юл белән социаль инфраструктура төзегәч кенә салачаклар. Әлеге территорияне планлаштыру проектына катгый таләпләр куела.

Алар беренче чиратта - социаль учреҗдениеләр һәм йортларны төзү чиратына бәйле. Берсеннән башка икенчесенә керешеп булмый. Без кичә генә Көек белән Салмачы бистәлерендә яшәүчеләрнең күршедә генә - 67 мең кеше өчен яңа микрорайон барлыкка килер дигән борчуы турында сөйләгән идек. Хәзер Көекнең үзендә генә 25 мең халык бар.

Яңа микрорайон төзелү ихтималы турындагы хәбәрне борчылып кабул итүчеләр өчен бүген белгечләр аңлатма бирде. Аларны Гөлназ Сәйфетдинова тыңлады.