Татарстанда күп балалы гаиләләр һәм аларга ярдәм

Татарстанда соңгы 10 ел дәвамында күп балалы гаиләләр саны 2 тапкырга арткан. Хәзер республикада 3 һәм аннан да күбрәк бала тәрбияләүчеләр - 50 200 пар.

Дарья һәм Марсель Хисмәтуллиннар да шундыйлардан. Күп балалы булып 4 ай элек кенә, Акмал исемле уллары тугач санала башлыйлар. Шуңа күрә Россиядә игълан ителгән гаилә елын алар яңа мәшәкатьләр белән уздырачак.

Малайларны тәрбияләү серләре, гаиләнең гореф-гадәтләре турында хәбәрчебез Лиана Бәхтиевага сөйләделәр.