Чернышевский һәм Рөстәм Яхин урамнарында хәрәкәт якынча 1,5 айга чикләнәчәк

Казанның Чернышевский һәм Рөстәм Яхин урамнарында транспорт хәрәкәте өлешчә чикләнәчәк. Сәбәбе – суүткәргеч трассасы төзелеше, дип яза мэрия матбугат хезмәте.

Чернышевский урамындагы 32 нче номерлы йорт янында Гаяз Исхакый урамына таба хәрәкәт юнәлешендә юлның бер участогы 4 марттан 14 апрельгә кадәр өлешчә ябылачак.

Шул ук чорда Рөстәм Яхин урамындагы 5 нче номерлы йорт янында Мәскәү урамына таба хәрәкәт юнәлешендә дә хәрәкәт чикләнәчәк.

Фото: ТНВ