Тәүлек эчендә Казан урамнарыннан 30 мең тоннага якын кар чыгарылган

Узган тәүлектә Татарстан башкаласы урамнарыннан 29,87 мең тонна кар чыгарганнар. Шуларның 8,01 мең тоннасын кар эретү пунктларына җибәрделәр, дип яза Казан мэриясе матбугат хезмәте.

Юлларга 500 тонна тайгакка каршы материаллар сибелгән. Карны 1010 техника һәм 767 эшче чыгарган.

Ике атна эчендә шәһәр урамнарыннан 408,45 мең тонна кар чыгарылган. Кыш башыннан урамнар 1471,9 мең тонна кардан чистартылган.

Фото: kzn.ru