Татарстанда сабыйларга нинди исемнәр кушканнар? Әмир, Сылу, Тамила һәм Натаниэль

Узган атнада, 12 февральдән 18 февральгә кадәр, Гражданлык хәле актларын теркәү идарәсенең Казан бүлекләрендә 367 бала — 194 малай һәм 173 кыз тууы теркәлгән. Шул ук вакыт аралыгында 155 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1 950 грамм авырлыкта туган, ә иң зурысы 4640 грамм тәшкил иткән.

Атнаның иң популяр исемнәр арасында Әмир, Марк, Матвей, Тимур, Камил, Алан, Артём, Мәрьям, Арина, Рамина һәм Агата булган, ә иң сирәк исемнәр - Нисон, Зәкәрия, Ефим, Рамай, Адриан, Азель, Реалина, Иннайя, Әсма, Мафира, Эстелина, Данэлия, Энҗе, Сылу, Тамила һәм Натаниэль.

Фото: pixabay