Татарстанда сабыйларга нинди исемнәр кушканнар? Кәрим, Фирүзә, Алесия һәм Ася

Узган атнада, 19 февральдән 25 февральгә кадәр, Гражданлык хәле актларын теркәү идарәсенең Казан бүлекләрендә 367 бала — 194 малай һәм 173 кыз тууы теркәлгән. Шул ук вакыт аралыгында 155 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1 720 грамм авырлыкта туган, ә иң зурысы 5090 грамм тәшкил иткән.

Атнаның иң популяр исемнәр арасында Кәрим, Артур, Матвей, Данил, Ева, София, Ясминә, Камилә, Эмилия һәм Риана булган, ә иң сирәк исемнәр - Даян, Аян, Аим, Рәүф, Раниф, Раян, Ихлас, Мирабэлла, Паулина, Фирүзә, Алесия, Ася һәм Майя.

Фото: pixabay