Казанда узучы "Киләчәк уеннары" халыкара ярышында җиңүчеләр дә ачыклана башлады

Танклар дөньясыннан - футбол кырына. Казанда узучы "Киләчәк уеннары" халыкара ярышында кайбер спорт төрләрендә җиңүчеләр дә ачыклана башлады. 

Роботлар турнирында һәм спидранда кискен ярыш бара. Ә Танкчылар арасында чемпионнар бүген үк билгеле. Фиджитал уеннардагы башка төрләрдән аермалы буларак кибертанкчылар суперфиналда ярышты. Спорт төрен дә үзләре сайлый. Алар үзләре өчен ят булган футболда көч сынашалар. 

Чемпионнар кубок белән беррәттән, түбәтәйгә дә ия булды. Киләчәк уеннарының иң мавыктыргыч мизгелләре  Илдар Сафиуллин репортажында.