Казанда Бауман урамында хәрәкәт чикләнәчәк

Казанда «Крутой спуск» фестивален үткәргән вакытта Бауман урамы буенча автомобиль юлы участогында хәрәкәт чикләнәчәк. Бу хакта шәһәр мэриясе матбугат хезмәте хәбәр итә.

6 март 18:00 сәгатьтән 11 март 18:00 сәгатькә кадәр хәрәкәт Бауман урамындагы автомобиль юлы участогында – Профсоюз урамыннан Безымянный авышлыгына кадәр чикләнәчәк.

Әлеге чикләү «Спорт һәм социаль проектлар дирекциясе» автоном коммерцияле булмаган оешмасы билгеләгән форма буенча махсус пропусклар белән җиһазландырылган транспортка кагылмаячак.

Фото: kzn.ru, Денис Гордийко