Казанда ярты көнгә берничә урам буенча хәрәкәт чикләнәчәк

Казанда «ЗаБег.РФ» VIII Бөтенроссия ярыммарафонын уздыру вакытында транспорт хәрәкәте чикләнәчәк. Бу хакта тышкы төзекләндерү комитетында хәбәр иттеләр, дип яза шәһәр мэриясе.

19 майда 6:30 дан 12:30 га кадәр түбәндәге участоклар ябылачак:

Подлужная урамы буенча Миллениум күпереннән Подлужная урамындагы 17 нче йортка кадәр (торак сектордан Толстой урамына чыгу мөмкинлеге белән ике якка да хәрәкәт туктатыла);

Вишневский урамы буенча (Вишневский урамыннан Подлужная урамына төшү юлы);

Миллениум күпереннән Подлужная урамына төшү юлы.

Фото: ТНВ