Казанда гомумшәһәр өмәсе көне билгеле

Казанда гомумшәһәр өмәсе 20 апрельгә планлаштырылган, дип хәбәр итә Татарстан башкаласы мэриясенең матбугат хезмәте.

Җыештырыла торган территорияләр исемлеге билгеле, кирәк-ярак, эш кораллары һәм техника әзерләнә. Төп басымны сулыкларның яр буе зоналарын һәм шәһәр урман полосаларын чистартуга ясарга планлаштыралар.

Теләге булган һәркем гомумшәһәр өмәсендә катнаша, үз ишегалдын яки теләсә кайсы башка участокны тәртипкә китерү өчен инициатив төркем төзи ала.

Фото: freepik.com