Казанның Горький шоссесында республикада беренче 3 катлы юл чишелеше барлыкка киләчәк

Казанның Горький шоссесында республикада беренче 3 катлы юл чишелеше барлыкка киләчәк. Хәзер төзекләндерү 68 процентка башкарылган.

Кичә анда эш барышы белән мэр Илсур Метшин танышты. Аның сүзләренә караганда, машиналар саны арту сәбәпле, иртә-кич бу урам башкалада иң проблемалы участок санала. Моннан бер сәгать эчендә 6 меңнән артык машина уза.

Яңа проект - автомобильләр агымын ике тапкырга арттырырга мөмкинлек бирәчәк диләр. Нәтиҗәдә Казанның Киров районында яшәүче 140 мең кешенең яшәү сыйфатын яхшырырга тиеш.