Казанда урамда 29 яшьлек ирне кыйнап үтерүдә катнашкан егетләр эшенә ачыклык керде

Казанның Нокса авышлыгы урамында 29 яшьлек ирне кыйнап үтерүдә катнашкан егетләрнең кичә тикшерү вакытында кайда булачагын хәл иттеләр. Совет районы суды өчесен дә изоляторга җибәрде.

24, 25 һәм 27 яшьлек өч кешене - фаҗиганең икенче көнендә өйләрендә тоткарлаганнар. Алар бергә яшәгән, өчесе дә моңа кадәр хөкем ителгән була.

Исегезгә төшерәбез, өч көн элек Азино микрорайонында төнлә балалар мәйданчыгында ир-атлар сугыша. Берсе баш җәрәхәтеннән һәлак була. "Саксызлык аркасында кеше үлеменә китерү” маддәсе буенча җинаять эше ачылды. Суд залыннан Рания Абдрахманова репортажы.