Татарстанда 15 кеше салат ашап ботулизм белән агуланган

Көннең төп темасы - Россиянең берничә зур шәһәрендә кешеләр салат ашап агуланган. Хастаханәгә эләгүчеләрнең саны 200гә җитеп килә. Иң күбе Мәскәүдә - ким дигәндә 149 очрак. Мәскәү өлкәсендә - 20 кеше табибка мөрәҗәгат иткән, Түбән Новгородта 14 кеше авырый. Казанда зыян күрүчеләр 15кә җитте!

Барысында да ботулизм авыруы билгеләре бар. Ул нерв системасын какшатучы көчле инфекция. Казандагы пациентларның 10сы авыр хәлдә. Икесе үпкәне ясалма эшләтү җайланмасына тоташтырылган. Татарстанда әлеге салат кайда сатылган һәм зыян күрүчеләр тагын да артмасмы? Чулпан Касыймова репортажы.