Мошенниклар Дәрвишләр бистәсендә яшәүче хатын-кызның 2 млн сумнан артык акчасын урлаган

Мошенникларның абонент хезмәте срогын озайту сылтавы белән Дәрвишләр бистәсендә яшәүче 56 яшьлек хатын-кыз 2 млн сумнан артык акчасыннан колак каккан. Югалган акчалардан 1,8 млн сумы кредитка алынган акча булган, дип яза "Татар-информ".

Җинаятьчеләр хатын-кызның банкының мобиль кушымтасына керү мөмкинлеге алган. Шуннан соң акчаларны үз счетларына күчергәннәр.

Нәтиҗәдә әлеге факт буенча РФ Җинаять кодексының «Урлау» 158 маддәсе һәм РФ Җинаять кодексының «Компьютер мәгълүматына хокуксыз керү» 272 маддәсе буенча җинаять эше кузгатылган.

Фото: pixabay