Казанның берничә районы җәй ахырында кабат кайнар сусыз калган

«Җәй ахырында без кабат кайнар сусыз калдык!» Безнең редакциягә Казанның берничә районыннан шундый хәбәрләр килә. Халык августта тагын нинди планлы ремонт бу, дип чаң суга.

Бүген ачыкланганча, шәһәр буенча 1200гә якын йортка җылы су бирелми. Янәсе яңа ягулык сезоны башланыр алдыннан аларны кышка әзерлиләр - опрессовка уздыралар. Бу юлы ул 5 көнгә сузылачак икән. Ләкин ни өчен бу эш шушы вакытка калган?

Җәй уртасында суны туктатып тору ни белән бәйле була? Алия Сабирова репортажы.