Казанда автобус һәм Камаз катнашындагы авария видеога эләккән

Бүген Казанда кран пассажир автобусы белән бәрелеште. Юл-транспорт һәлакәте Оренбург трактына чыгу урыны янында Җиңү проспектында булган.

Беренчел мәгълүматлар буенча, авария «Камаз» йөртүчесе гаебе белән булган, ул юл бирмәгән. Татарстан Сәламәтлек саклау министрлыгы мәгълүматлары буенча, юл-транспорт һәлакәтендә автобуста дүрт пассажир зыян күргән.

Бәрелешү мизгеле видеога эләкте, кадрлар шәһәрнең ГАИ хезмәтеннән алынды.