Казанда шәһәр урамнары буенча йөгереп йөрүче пошины төшергәннәр

Бүген Казанда «Ферма-2» торак массивы янында казанлылар юл аша йөгереп чыккан пошины күрделәр. Аны иртә таңнан ук Салмачы белән Көек арасындагы кырда күреп алганнар.

Җәй ахыры һәм көз башы - эре тояклы хайваннарда, шул исәптән пошиларда да күчү чоры. Хәзер алар агрессив булалар һәм еш кына пар эзләп юлларга йөгереп чыгалар.

Машина йөртүчеләргә аеруча игътибарлы булырга кирәк. Кичен дә, төнлә дә тизлекне киметү сорала. Әгәр эре хайван күрсәләр, туктап, хайваннарны аулау буенча махсус хезмәтләр чакырту яхшырак булачак.