Казанның Большая Красная урамында юлны өлешчә ябачаклар

Казанда Большая Красная урамында транспорт һәм җәяүлеләр хәрәкәтен этаплап чикләячәкләр. Бу су белән тәэмин итү һәм ташландык суларны агызу челтәрләрен төзекләндерү өчен кирәк, диелә шәһәр мэриясе сайтында.

10 октябрьдән 13 октябрьгә кадәр 49 нчы номерлы бина тирәсендәге юл һәм тротуар өлешчә ябылачак. 50 нче йорт янындагы участокта транспорт һәм җәяүлеләр хәрәкәте 13-15 октябрьләрдә чикләнәчәк.

Фото: ТНВ