Акчаны күбәйтергә теләп: Казанлы инвестицияләр аша мошенникларга 10 миллион сум акча күчергән

Инвестицияләр кертеп, акча эшләргә теләгән 55 яшьлек казанлы мошенникларга 10 млн сумга якын акча күчергән. «Финанс ярдәмчеләренә» акчаларны гыйнвардан башлап октябрьгә кадәр күчергән.

Урланган суммага 8 миллионнан артык шәхси җыйган акчалар кергән, калган акчалар кредитка алынган. Берникадәр вакыттан соң ир-ат керем булмаячагын аңлый һәм полиция бүлегенә гариза белән мөрәҗәгать итә, дип яза шәһәр мэриясе матбугат хезмәте.

Әлеге факт буенча РФ Җинаять кодексының 159 нчы маддәсенең 4 нче өлешендә каралган җинаять составы билгеләре буенча җинаять эше кузгатылган.

Фото: ТНВ