Бүген Казанда халыкка хәбәр бирү системаларын кабат тикшерәчәкләр

16 октябрьдә Казанда халыкка хәбәр бирүнең муниципаль системасының әзерлегенә өстәмә тикшерү узачак. Бу хакта Россия гадәттән тыш хәлләр министрлыгының ТР буенча матбугат хезмәте хәбәр итә.

Сиреналарны тикшерү 3 минут булачак: 10:40 сәгатьтән 10:43 сәгатькә кадәр дәвам итәчәк. Республика башкаласында яшәүчеләр һәм кунаклар тавыш көчәйткечләр аша «Внимание всем!» дигән сүзләр ишетәчәк.

Исегезгә төшерәбез, хәбәр бирү системалары Рооссия күләмендә 2 октябрьдә тикшерелде.

Фото: freepik.com