Кунакчыл Казан чит ил җитәкчеләрен озатты - видео

Алар татарның кунакчыллыгын, Россия халкының киң күңелле булуын әйтә. БРИКС саммитындагы сөйләшүләрнең җитди, анда әйтелгән фикерләрнең төпле икәнен белеп таралыша.

Кичә Казаннан чит ил җитәкчеләре китә башлады. Алар Рөстәм Миңнехановка рәхмәтен җиткерә, үзләренә кунакка чакыра. Каршы алгандагы кебек үк, Республика җитәкчесе кунаклар белән шәхсән саубуллаша.

Кайберләренең Татарстанга беренче тапкыр килүе иде. Хәзер очрашып торырга кирәк дип таралдылар. Кояшлы, яңгырлы һәм карлы аэропорттан - Радик Гыймаев репортажы.