Быел Казанда балигь булмаганнар катнашында 104 авария килеп чыккан

Быел Казанда балигь булмаганнар катнашында 104 авария килеп чыккан. Анда 107 бала имгәнә. Берсенең гомере өзелгән.

Күңелсез хәлләр җәяүлеләр кичүендә дә еш булып тора. Ел башыннан Имәнлек урамында гына 2 баланы бәрдергәннәр. Чөнки алар көн саен светофорсыз урам аша чыгып, укырга йөри. Эш шунда ки, үзләре яшәгән торак комплекста мәктәп юк.

Бер проблема икенчесен китереп чыгарган. Аны төзүләрен халык монда күченгәннән бирле - 10 ел көтә. Үсеп җитеп, мәктәпне тәмамлаган укучылар да бар. Мәсәлә нәрсәгә барып терәлә? Бу хакта тулырак алдагы репортажда.