Декабрьдә Казанда чыршы базарлары эшли башлаячак

Декабрьдә Татарстан башкаласында Яңа ел бәйрәме алдыннан чыршы базарлары эшли башлаячак. Ылыслы агачларны шәһәр халкы оештырылган 20 мәйданчыкта сатып ала алачак.

Сәүдә 1 декабрьдән 31 декабрьгә кадәр көннәрендә рөхсәт ителүгә карамастан, гадәт буенча сатулар ай уртасында башлана. Эшмәкәрләр продукцияне сата башлау датасы турында үзләре карар кабул итәргә хокуклы, дип аңлаттылар Казан Башкарма комитетының Кулланучылар базары комитетында.

Казанлылар, Яңа ел чыршысын сатып алу өчен, шәһәр мэриясенең сайтында урнаштырылган адреслар исемлеге буенча якындагы мәйданчыкны таба алачак.

Фото: pxhere.com