Тиздән яңа юллар ачыла: Горький шоссесында эшләр төгәлләнеп килә

Казандагы Горький шоссесындагы юл һәм Вознесение тракты - Яңа елга кадәр кулланылышка тапшырылырга тиеш. Кичә мэриядәге киңәшмәдә юл эшләре хакында сөйләштеләр. Быел шәһәрдә 2 миллион ярым квадрат метр мәйданда яңа трасса салганнар һәм төзекләндергәннәр.

Чагыштырып карасак, ул - 340 футбол кырына тиң. Быел Казандагы юлларның 85 процентын тиешле таләпләргә туры китергәннәр. БРИКС Саммитына әзерлек буенча зур эш башкарылган. Финансларның бер өлеше "Имин сыйфатлы юллар" дип аталучы илкүләм проект буенча бүленә.

11 километрдан артык озынлыктагы 6 полосалы юл тулысынча әзер диярлек. Җәяүлеләр кичүендәге декаратив калайларны беркетәләр. Юл буйлары тәртипкә китерелә. Аны декабрьдә ачарга җыеналар. Төзүчепләр бу зур проектны төгәлләү өчен тырыша. Халык моннан йөрергә җайлы булачак ди.