Казанлы кинотеатрга билет алганда 16 мең сум югалткан

Кинотеатрга билетлар алырга теләп, казанлы мошенниклар хәйләсенә эләккән. Зыян суммасы 16 мең сум тәшкил иткән. «Мошенниклык» маддәсе буенча җинаять эше кузгатылган.

Зыян күрүче сөйләгәнчә, ул танышу сайтында кыз белән аралаша башлаган. Әңгәмә барышында дусты ир-аттан алар өчен кинотеатрга билетлар сатып алуын сораган һәм түләү өчен сылтама җибәргән.

Егет сылтама буенча күчә һәм банк картасы мәгълүматларын, шулай ук смс-хәбәрдән код керткән. Соңрак казанлы аның хисабыннан 16 мең сумнан артык күчерүләрен ачыклаган. Ул яңа танышы белән элемтәгә керергә тырышып карый, ләкин уңышка ирешә алмый.

Казан шәһәре мэриясе мошенниклар корбаны булмас өчен, ят кешеләрдән килгән мәгълүматны тикшерүне сорый.

Фото: ТНВ