Илсур Метшин Россиянең иң яхшы мэры дип танылды

"Рейтинг" мәгълүмати коммуникацияләр үзәге тикшеренүе нигезендә, Казан мэры Илсур Метшин 2024 елның октябрь-ноябрь айларында илнең иң яхшы шәһәр башлыгы дип танылды. Барлыгы 88 шәһәр мэры каралган.

Метшинның җиңүе Казанның БРИКС саммитына уңышлы әзерләнүе, узган еллардагы хаталарны исәпкә алу һәм транспорт инфраструктурасын үстерү белән бәйле.

Рейтингта икенче урынны Мәскәү мэры Сергей Собянин алды, ә өченчене - Төмән башлыгы Максим Афанасьев. Яр Чаллы мэры Наил Мәгъдиев 19 урында.

Фото: Денис Гордийко, kzn.ru