Татарстанда сабыйларга нинди исемнәр кушканнар? Галиәсгар, Клим, Севиль һәм Сөмбел

Узган атнада, 25 ноябрьдән 1 декабрьгә кадәр, Гражданлык хәле актларын теркәү идарәсенең Казан бүлекләрендә 376 бала — 199 малай һәм 177 кыз тууы теркәлгән, дип хәбәр итә Казан мэриясе матбугат хезмәте. 150 пар үз никахларын рәсмиләштергәннәр.

Атнаның иң популяр исемнәр арасында Әмир, Эмир, Тимур, Әмин, Алим, Матвей, Алмир, Раян, Лев, Артур, Александр, Мәликә, Василиса, Есения, Мирослава, Әминә, Кира, Амалия, Варвара, Милана, Айлин, Эмилия һәм Амелия.

Иң сирәк исемнәр -  Ясин, Исхак, Галиәсгар, Клим, Мирлан, Филипп, Дэвид, Халид, Арита, Агата, Аврора, Шадида, Зилә, Далия, Севиль һәм Сөмбел.

Фото: ТНВ