Казанның Борисково бистәсендә йортлар ишелүдән куркып яшиләр

Йортларның диварлары ярыла, ә урамда чокыр барлыкка килгән. Казанның Борисково бистәсендә яшәүчеләр безгә шундый моң-зар белән мөрәҗәгать итте.

Җирле халык әйтүенчә, көтелмәгән хәл өйләрдән ерак түгел генә Монастырь ермагы аша күпер һәм чистарту корылмалары төзи башлагач килеп чыккан. Хәзер анда яшәүче кешеләр йорт өчен генә түгел, үз гомерләре өчен дә борчыла. Өйләр ишелмәсме диләр. Кемнән ярдәм сорарга да белмиләр.

Диварларда ярык барлыкка килүдә нәрсә сәбәпче? Бу проблема ничек хәл ителер? Бистә халкы белән Илдар Сафиуллин аралашып кайтты.