Татарстанда сабыйларга нинди исемнәр кушканнар? Легендар, Идел, Сәйдәш һәм Кайнар

Узган атнада, 9 декабрьдән 15 декабрьгә кадәр, Гражданлык хәле актларын теркәү идарәсенең Казан бүлекләрендә 385 бала — 182 малай һәм 203 кыз тууы теркәлгән, дип хәбәр итә Казан мэриясе матбугат хезмәте. 179 пар үз никахларын рәсмиләштергәннәр.

Атнаның иң популяр исемнәр арасында Әмир, Эмир, Тимур, Роберт, Мөхәммәт, Макар, Давид, Эмин, Эмиль, Артур, Амалия, Мия, Кира, Мирослава, Милана, Айлин, Камила, Эмилия, Асель, Диана һәм Ясминә.

Иң сирәк исемнәр - Легендар, Идел, Сәйдәш, Филипп, Госман, Елисей, Эрик, Кайнар, Ерофей, Святослав, Гәрәй, Исмаил, Сөләйман, Эйла, Авелина, Инита, Эллария, Афина, Варвара, Николь, Лина, Хәят, Кайла, Дея һәм Зәйнәп.

Фото: ТНВ