50дән артык гаилә килде: ТНВ каналында 12 сәгатьлек телемарафонда Гаилә елына йомгак ясадылар

Россиядә Владимир Путин указы белән игълан ителгән Гаилә елы тәмамлана. Татарстанда аңа якшәмбе көнне - Республика дәрәҗәсендә уздырылган зур телемарафонда нокта куйдылар.

ТНВ каналы оештырган 12 сәгатълек марафон чын гаилә бәйрәменә әйләнде. Монда 50 гаилә катнашты, татар телевидениесе тарихында беренче тапкыр 4 пар турыдан-туры эфирда никахын теркәде, аларны Татарстан Рәисе котлады.

Шул арада бөтен Республика - Татарстанның иң халыкчан Кыш Бабаен сайлады. Үзенчәлекле танышу тарихлары, гаҗәеп күркәм традицияләр һәм гаилә кыйммәтләре - Алия Сабирова репортажында.