Татарстанда сабыйларга нинди исемнәр кушканнар? Илгизәр, Хәким, Судайс һәм Халисә

Узган атнада, 16 декабрьдән 22 декабрьгә кадәр, Гражданлык хәле актларын теркәү идарәсенең Казан бүлекләрендә 401 бала - 198 малай һәм 203 кыз тууы теркәлгән, дип хәбәр итә Казан мэриясе матбугат хезмәте. 152 пар үз никахларын рәсмиләштергәннәр.

Атнаның иң популяр исемнәр арасында Алим, Эмир, Тимур, Эмиль, Никита, Алан, Камиль, Раян, Марк, Ислам, Амелия, Милана, Айлин, Ева, Эмилия, Айсылу, Полина, Мәрьям, Диана һәм Ясминә.

Иң сирәк исемнәр - Орион, Кай, Риф, Илгизәр, Хәким, Судайс, Зиннур, Сәет, Аслан, Рияз, Алира, Мари, Сумайя, Далия, Мәликә, Нина, Халисә, Оливия, Олеся, Рания, Зифа, Луна, Этель, Дилия.

Фото: ТНВ