Нигә Казанның Профессор Камай урамындагы йортта яшеренү урыны тиешле таләпләргә туры килми?

Керер җир бар, ә ничек чыгасы - билгеле түгел. Казанның Профессор Камай урамындагы 15нче А йортында яшәүчеләр яшеренү урынының тиешле таләпләргә туры киләмәвенә борчыла.

Подвалны тәртипкә китерә башлагач, андагы икенче ишекне томалап куюлары ачыкланган. Бу мәсәләне хәл итү буенча судка мөрәҗәгать иткәннәр, тик әлегә нәтиҗә юк ди бу йортта яшәүчеләр.

Узган атнада Казанга пилотсыз очкычлар һөҗүм ясаганнан соң Профессор Камай урамындагы бу йортта гомер итүчеләр аеруча борчуга калган. Теманы Илдар Сафиуллин дәвам итә.