Мөһим: Казан янындагы БПЛА һөҗүме нәтиҗәсендә беркем дә зыян күрмәгән

Татарстан Рәисе матбугат хезмәте җитәкчесе Лилия Галимова хәбәр иткәнчә, бүген 5:20 сәгатьтә Казан янында БПЛА һөҗүме нәтиҗәсендә газ цистернасында ут чыккан.

«ТР Рәисе Рөстәм Миңнеханов, оператив мәгълүмат алгач, урынга чыкты, докладлар тыңлады. Һәлакәт нәтиҗәсендә беркем дә зыян күрмәде. Һәлакәт урынына оператив рәвештә килгән ашыгыч хезмәтләр гадәттән тыш хәл нәтиҗәләрен бетерделәр», — диелә хәбәрдә.

Исегезгә төшерәбез, элегрәк Росавиация Казан аэропортын вакытлыча япты, гадәттән тыш хәлләр министрлыгы БПЛА һөҗүме куркынычы турында хәбәр итте.