Салават күпере торак комплексындагы транспорт бөкесенең сәбәбе нидә?

Күптән көтелгән Горький шоссесы киңәйтелсә дә, Салават күпере торак комплексында транспорт бөкесе юкка чыкмаган. Казан читендәге микрорайонда яшәүчеләр шундый зар белән безнең редакциягә мөрәҗәгать итте. 

Хәзер машиналар тоткарлыгы башкалага керә торган трассада түгел, ә күпфатирлы йортлар янында ук барлыкка килгән. Көн саен эшкә барганда ярты сәгать вакытыбыз шунда уза, ди рульдә йөрүчеләр.

 Бөкенең сәбәбе нидә? Халыкны борчыган бу мәсәләне ачыклау өчен бүген иртән "Салават күпере"нә хәбәрчебез Илдар Сафиуллин юл тоты.