Казан урамнарындагы чокырларны иртәрәк ямый башлаячаклармы?

Чып-чын яз җитмичә, Татарстан башкаласында чокырларны ремонтлау башланмаячак. Бу хакта шәһәр Башкарма комитетының Тышкы төзекләндерү комитетына сылтама ясап, «Вечерняя Казань» хәбәр итә.

Ведомство мәгълүматлары буенча, гадәттә чокырларны ремонтлау тотрыклы уңай температура билгеләнгәндә язын башлана. Аномаль җылылыкка карамастан, февральдә әле суытачак һәм бураннар булачак.

Исегезгә төшерәбез, синоптиклар бу көннәрдә Татарстанда суыта башлаячак дип фаразлый.

Фото: ru.freepik.com