Батыршин урамында берничә участокта транспорт хәрәкәтен чикләячәкләр

Казанда Батыршин урамында берничә участокта транспорт хәрәкәте вакытлыча чикләнәчәк. Бу магистраль җылылык үткәргечен реконструкцияләү белән бәйле, дип яза шәһәр мэриясе матбугат хезмәте.

Юлны 15 февральдән 31 майга кадәр:

18/20 номерлы йорттан алып 28 а номерлы йортка кадәрге участокта (машина йөрү өлешен һәм тротуарны өлешчә ябу);

28а йорттан Чкалов урамы белән киселешкә кадәрге участокта (машина йөрү һәм тротуар өлешчә ябыла, аергыч полосаның яшел зонасы тулысынча ябыла);

18/20 номерлы йорт тирәсендәге борылыш (тулысынча ябылу) ябылачак.

Фото: ТНВ