Татарстанда сабыйларга нинди исемнәр кушканнар? Батыр, Ренар, Газиз һәм София

Узган атнада, 3 февральдән 9 февральгә кадәр, Гражданлык хәле актларын теркәү идарәсенең Казан бүлекләрендә 434 бала - 208 малай һәм 226 кыз тууы теркәлгән, дип хәбәр итә Казан мэриясе матбугат хезмәте. 104 пар үз никахларын рәсмиләштергәннәр.

Атнаның иң популяр исемнәр арасында Раян, Лев, Әмир, Марк, Рамир, Дамир, Илья, Матвей, Мирослава, Әйшә, Таисия, Арина, Маргарита, Асель, София, Әминә һәм Ева.

Иң сирәк исемнәр - Батыр, Ренар, Газиз, Султан, Райан, Эльман, Герман, Нурислам, Алихан, Каир, Юлианна, Сара, Илсөя, Севиль, Ясилә, Һава, Владислава, Алиана, Эмма, Агата, Алена һәм Айсель булган.

Фото: ТНВ