Казанда март ахырыннан 16 муниципаль парковка бәясе арта

Казанда март ахырыннан 16 муниципаль парковка бәясе арта. Кайберләрендә хәтта ике тапкыр.

Бу хакта шәһәр мэриясендә узган эшлекле дүшәмбедә хәбәр иттеләр. "2 урында исә машина кую хакы кимиячәк", диделәр. Үзгәрешләр башкаланың Пушкин, Профсоюз, Уң һәм Сул Булак, Спартак кебек үзәк урамнарында булачак.

1 апрельдән мәктәп, балалар бакчалары һәм сырхауханәләр янындагы кайбер машина кую урыннарында да яңалыклар көтелә. Болар хакында тулырак Инзилә Хөсәенова сөйләр.