Идел буе районының ике урамында транспорт хәрәкәтен вакытлыча чикләячәкләр

Казанның Идел буе районында 10 марттан 15 апрельгә кадәр ике урамда транспорт хәрәкәтен вакытлыча чикләячәкләр. Сәбәбе — газ белән тәэмин итү челтәрләрен үзгәртеп кору буенча эшләр башкару, дип яза шәһәр мэриясе матбугат хезмәте.

Чикләү түбәндәге участокларга кагылачак:

Оренбург тракты ур. («Первомайский торак массивы» тукталышы районында);

Красноуральск ур. (Оренбург тракты урамындагы 44 нче бина янында).

Фото: ТНВ